Lajmet në gjuhën shqipe 15/03/2015
---Është gjetur në orën 07:40 në mëngjes nga një çift që po kalonte trupi i pajetë i një mashkulli, që vlerësohet se i përket studentit Vangeli Giakoumáki, në zonën moçalore të Ndërmarrjes Komunale të liqenit të Janinës, rreth 800 metra nga Shkolla e prodhimeve të qumështit e Janinës.
Studenti i ri ishte zhdukur që nga data 8 shkurt i vitit 2015 dhe kjo ngjarje kshte tronditur të gjithë Greqinë, sidomos pas zbulimeve rreth sjelljes së disa mësuesve dhe studentëve të shkollës, shokë të Vangelit.
---Evenimente për nderimin dhe përkujtimin e 22 të ekzekutuarve janë mbajtur të dielën në përvjetorin e 71-të të bllokimit të Kalogrezës. Masive ishte pjesmarrja edhe këtë vit i shumë organizatave, mes të cilave edhe POSPERT-ertopen.
---Gjithashtu aktivitete përkujtimore janë mbajtur edhe për viktimat e Holokaustit në Selanik, me titullin «Kurrë më. 72 vjet pas nisjes së trenit të parë për në kampin e përqëndrimit në Aushvic».
Një emision kushtuar Holokaustit të hebrenjve të Selanikut ka dhënë të dielën edhe Programi i Dytë i Radios së ERT-open.
---«Borxhi i Gjermanisë ndaj Greqisë është moral dhe kjo është arsyeja pse pretendimet tona janë të drejta», thotë Manólis Glézos në një artikull të botuar në një gazetë të së dielës, duke analizuar katër shtylla të ndryshme, në të cilat bazohet pretendimi i Greqisë.
---Vazhdohet greva e urisë e të burgosurve politikë në burgjet e vendit, të cilët kërkojnë heqjen e ligjit të terrorit, të ligjit për kapelet në formën e maskës, e ligjit për burgjet e tipit G, lirimin e Sava Ksiros, për të përballuar problemet e rënda shëndetësore, ndalimin e përdorimit të ADN-së dhe ndalimin persekutimit të të afërmve të burgosurve.
Veprime të shumëformëshe në shenjë solidariteti bëhen çdo ditë në shumë qytete të vendit.
---Ministri i financave Giánis Varoufákis ka mohuar botimin e gazetës "Agora", në të cilin insistohet se ministri gjerman i Financave i tha se Gjermania mund të lehtësojë Greqinë për të lënë euron, duke lënë ndërkohë të kuptohet se homologu gjerman Wolfgang Schäuble ka nxjerrë në mënyrë selektive pjesë të bisedimeve mes tyre.
---Reagim të fortë të ministrisë së Riorganizimit Produktiv ka shkaktuar rritja e tarifës për burimet e ripërtëritshme të energjisë në tarifat e energjisë elektrike.
«Është e nevojshme për balancimin e Llogarisë së Veçantë APE dhe SHΘΥA», përgjigjet Autoriteti. «SYRIZA të ndalojë talljen me popullin», thotë Demokracia e Re.
---Të dielën janë anulluar të gjitha shfaqjet e Teatrit Kombëtar të Greqisë Veriore për shkak të grevës disa orë që ka shpallur Shoqata e Punonjësve, duke pretenduar pagesën e ditëve të punuara.
---Ka ndërruar jetë në moshën 94 vjeç, luftëtari i ELAS, Foívos Tsékeris. Varrimi i tij civil do të bëhet të martën 17 mars në Varrezat e Kaisarianís.
---Ka ndërruar jetë gjithashtu, në moshën 70 vjet, profesorja e Departamentit të Gazetarisë dhe Mass Mediave të Universitetit Aristoteli të Selanikut, Danaí Hatzóglou. Ajo ishte një anëtare aktive e lëvizjes së grave dhe luftoi për çështjet që lidhen me barazinë e gruas.
Shqipëria
---Artistë, politikanë, shkrimtarë, përkthyes si dhe miq e të afërm zhvilluan sot homazhe në nderim të përkthyesit dhe studiuesit, Petro Zhejit, i cili u nda nga jeta në moshën 85 vjeçare.
Në ceremoninë e lamtumirës që u zhvilluan në ambientet e Muzeut Historik Kombëtar, ishin të pranishëm Kryeministri Edi Rama, Kreu i Kuvendit, Ilir Meta si dhe kreu i Bashkisë së Tiranës, Lulzim Basha.
Kreu i Kuvendit, Ilir Meta pasi vendosi buqetën me lule pranë trupit të pa jetë të përkthyesit Zheji, në një prononcim për mediat u shpreh se, “kjo është dita e dhënies së lamtumirës një mendimtari dhe kijuesi të niveleve europiane që në atë kohë kur Shqipëria ishte një ishull i izoluar në mes të Europës”.
Ai është një ndër figurat më të shquara të gjuhësisë shqiptare duke qenë një përkthyes, studiues dhe gjuhëtar mjaft i njohur.
Poliglot që e njihte me themel shqipen dhe filozofinë e saj, njihte e zotëronte deri në rrënjë edhe gjuhën italiane, frënge, angleze, spanjolle, gjermane, ruse, hebraishten, sanskritishten e vjetër, greqishtën e vjetër dhe latinishten.
Ringjalla e Tolstoit, Obllomovin i Goncarovit, (nga rusishtja), Vitet e zemërimt të Shtajnbekut, (nga anglishtja), Zoti President dhe Papën jeshil të Asturiasit (nga spanjishtja), janë disa nga veprat e përkthyera prej filozofit dhe eruditit Petro Zheji, por pa harruar vëllimin e dytë të “Don Kishotit”, nga spanjishtja. Një vit më parë në Panairin e Librit, Petro Zheji, u vlerësuar me çmimin e mirënjohjes, çmim që u tërhoq nga djali i tij, publiçisti Artur Zheji.
Petro Zheji realizoi pas një pune të thellë dhe të pandërprerë studimin e tij me dy vëllime “Shqipja dhe Sanskritishtja”.
I lindur në Gjirokastër më 16 tetor 1929, Petro Zheji ka qenë arsimtar, përkthyes i sprovuar dhe gjuhëtar me erudicion. Vëllai i tij, Gjergj Zheji ka qenë një personalitet me peshën e vet në fushën e letrave./a.g/
---Kryeministri Edi Rama ka shprehur sot trishtimin e tij të thellë për humbjen e Petro Zhejit, të cilin e ka cilësuar si usta i pashoq i gjuhës.
Me anë të një postimi në rrjetin social “Facebok”, Kryeministri Rama shkruan, “Trishtim i thellë për humbjen e Petro Zhejit ustai i pashoq i gjuhës që e bëri Don Kishotin të fliste në shqip si të ishte lindur anëve tona”./a.g/
---7 vjet nga tragjedia e rëndë e Gërdecit, ku humbën jetën 26 persona, Ministri i Brendshëm, Saimir Tahiri deklaron se 15 marsi është një ndër ditët më të zeza e të turpshme për drejtësinë shqiptare”.
Në një postim në rrjetin social “Facebook”, Tahiri shkruan: “një biznes i lidhur me majën e pushtetit dhe zemrën e familjes së ish-kryeministrit shkaktoi vdekjen e shumë fëmijëve, grave dhe burrave, nga babëzia për fitim”.
Më pas, Tahiri ka përmendur personat që sipas tij, duhet të mbanin përgjegjësi, pasi deri më sot janë dhënë më pak vite dënim sesa viktima të shkaktuara.
---Nëse reformat strukturore të qeverisë shqiptare do zbatohen më shumë për të trajtuar çështje të vjetra të konkurrencës dhe korrupsionit, atëherë ekonomia shqiptare rrezikon të mbetet në një trajektore të ulët të rritjes gjatë viteve të ardhshme.
Ky parashikim vjen nga Business Monitor International, një institucion i pavarur hulumtues me seli në Londër, i cili ka publikuar një raport lidhur me rrezikun për Shqipërinë.
I specializuar për analiza të të dhënave dhe parashikime mbi rrezikun politik dhe ekonomik të mbi 195 vendeve të botës, Business Monitor International thotë se borxhi publik pritet të mbetet i lartë në Shqipëri mbi 70% të PBB – së, ndërsa pozicioni fiskal i qeverisë në drejtim të mbledhjes së taksave do të mbetet në nivel të rrezikshëm. Nxitësi kryesor për rritjen reale të PBB gjatë këtij viti në Shqipëri do të varet nga konsumi i brendshem, thuhet në raport. Ndërsa rritja ekonomike në vend do të varet edhe nga ecuria ekonomike e dy vendeve, si Italia dhe Greqia.
Sipas raportit ecuria e eksporteve gjatë vitit 2015 shihet e dobët, duke pasur parasysh kërkesën e vakët të jashtme nga partnerët kryesorë në eurozonë dhe joefikasitetit në industritë kyçe të eksportit në Shqipëri.
Përsa i përket inflacionit thuhet se parashikimet janë që të jetë i ulët, në 1.75% në fund të këtij viti. Lidhur me kredidhëniën, parashikohet se bankat do të vazhdojnë të jenë dorështrënguara në këtë drejtim.
Sipas Business Monitor International, dinamika e paqëndrueshme e borxhit publik, lufta politike dhe tensionet e ngritura me Serbinë, mund të kenë ndikim negativ në hapjen e negociatave me Bashkimin Europian.
Bota
---Një atentat i dyfishtë i marrë përsipër nga talebanët pakistanezë ka shkaktuar të paktën 14 të vdekur dhe 70 të plagosur gjatë meshës të së dielës në një lagje të krishterë në Lahore, duke shkaktuar një reagim të dhunshëm të këtij minoriteti shpesh viktimë e diskriminimit.
Sulmi i ndodhur në qytetin e dytë të Pakistanit është më i përgjakshmi i kryer në vend kundër të krishterëv që prej atentatit të dyfishtë kamikaz të talebanëve kundër një kishe në Peshauar, në shtator të vitit 2013.
Ky sulm, më i përgjakshmi në historinë e Pakistanit kundër këtij minoriteti që përfaqëson rreth dy për qind të popullsisë, shkaktoi në atë kohë 82 të vdekur dhe dhjetëra të plagosur./ec/
---Të paktën 49 persona kanë humbur jetën dhe dhjetëra të tjerë janë plagosur, pasi autobusi me të cilin udhëtonin ka dalë nga rruga, njoftuan burime të policisë.
Autobusi, që i përkiste një kompanie turistike, transportonte 50 persona sipas listës zyrtare, por bilanci paraprak i forcave të shpëtimit tregon se pasagjerët ishin më të shumtë. Sipas policisë, drejtuesi ka humbur kontrollin e automjetit në një kthesë në zbritje duke rënë në një humnerë prej 400 metrash. Nuk ka informacione për praninë e të huajve mes pasagjerëve të autobusit.
Pasagjerët ishin duke udhëtuar për të marrë pjesë në një shfaqje fetare.
Aksidenti ndodhi në një rajon malor, jo shumë larg qyteti Campo Alegre, rreth 170 kilometra nga Florianopolis, kryeqyteti i Shtetit./ec/
---Cikloni i fuqishëm që goditi arkipelagun Vanuatu ka dëmtuar rreth 90 për qind të banesave në kryeqytetin Port Vila, deklaroi sot OJQ-ja humanitare Oxfam.
“Kjo do të jetë me shumë gjasa një prej katastrofave më të rënda të ndodhura ndonjëherë në Paqësor. ”Nevojat humanitare do të jenë shumë të mëdha”, deklaroi drejtori i Oxfam për Vanuatunë, Colin Collet van Rooyen.
Vanuatu dekretoi gjendjen e jashtëzakonshme pas kalimit të ciklonit shkatërrues ”Pam” në këtë arkipelag, ku ndihmat kanë filluar të mbërrijnë pas një prej katastrofave më të rënda meteorologjike të ndodhura ndonjëherë në rajon.
Zyra Kombëtare e Katastrofave konfirmoi se gjashtë persona kishin humbur jetën nga cikloni, ndërkohë që OKB-ja ka njoftuar për 44 të vdekur në këtë arkipelag me 88 ishuj, një prej vendeve më të varfra në botë./ec/
---Konflikti që ka përfshirë Sirinë hyn në të pestin vit dhe ka shkaktuar vdekjen e më shumë se 210.000 personave dhe largimin e gjysmës së banorëve nga shtëpitë e tyre, pa asnjë shpresë për paqe.
---TEL AVIV – Dita e fundit e fushatë zgjedhore për zgjedhjet legjislative që do të zhvillohen të martën.
---BAGDAD – Forcat irakiane po përgatiten të nisin sulmet kundër xhihadistëve të fundit të grupit të Shtetit Islamik në Tikrit, një qytet i rëndësishëm mes Bagdadit dhe Mosulit.
Moti
---Shërbimi Kombëtar Meteorologjik parashikon për të hënën 16 Mars vransira në pjesën më të madhe të vendit dhe ka mundësi shira të dobëta lokale në rajonet kontinentale, ndërsa në mëngjes dukshmëria do të jetë e kufizuar.
Në Attikë, temperatura maksimale do të jetë 15 gradë Celsius, ndërsa në Selanik, temperatura maksimale do të jetë 12 gradë Celsius.
Është buletini i lajmeve në gjuhën shqipe, që transmetohet nga Rrjeti i ERA në internet në adresën www.ertopen.com, në valët FM dhe të Mesme - nëpërmjet stacioneve rajonale të ERA në të gjithë Greqinë, në valët e shkurtra në të gjithë botën, por dhe në valët FM 106,7 në Athinë.
Gjithashtu, programi ynë transmetohet 24 orë nga stacioni i radios së shoqatës së Punonjësve të Aluminit në valët FM 97,3 me seli Voiotían, dhe nga radio e punonjësve të Halkídës në valët FM 96,5 nga ora 13:00 pas mesditës e deri në orën 19:00 në mbrëmje.
Në Attikë mund të shikoni ERT-3 me sinjal digjital në kanalet televizive 34 dhe 58, ndërsa në Maqedoninë Qendrore në kanalin 50.
Studenti i ri ishte zhdukur që nga data 8 shkurt i vitit 2015 dhe kjo ngjarje kshte tronditur të gjithë Greqinë, sidomos pas zbulimeve rreth sjelljes së disa mësuesve dhe studentëve të shkollës, shokë të Vangelit.
---Evenimente për nderimin dhe përkujtimin e 22 të ekzekutuarve janë mbajtur të dielën në përvjetorin e 71-të të bllokimit të Kalogrezës. Masive ishte pjesmarrja edhe këtë vit i shumë organizatave, mes të cilave edhe POSPERT-ertopen.
---Gjithashtu aktivitete përkujtimore janë mbajtur edhe për viktimat e Holokaustit në Selanik, me titullin «Kurrë më. 72 vjet pas nisjes së trenit të parë për në kampin e përqëndrimit në Aushvic».
Një emision kushtuar Holokaustit të hebrenjve të Selanikut ka dhënë të dielën edhe Programi i Dytë i Radios së ERT-open.
---«Borxhi i Gjermanisë ndaj Greqisë është moral dhe kjo është arsyeja pse pretendimet tona janë të drejta», thotë Manólis Glézos në një artikull të botuar në një gazetë të së dielës, duke analizuar katër shtylla të ndryshme, në të cilat bazohet pretendimi i Greqisë.
---Vazhdohet greva e urisë e të burgosurve politikë në burgjet e vendit, të cilët kërkojnë heqjen e ligjit të terrorit, të ligjit për kapelet në formën e maskës, e ligjit për burgjet e tipit G, lirimin e Sava Ksiros, për të përballuar problemet e rënda shëndetësore, ndalimin e përdorimit të ADN-së dhe ndalimin persekutimit të të afërmve të burgosurve.
Veprime të shumëformëshe në shenjë solidariteti bëhen çdo ditë në shumë qytete të vendit.
---Ministri i financave Giánis Varoufákis ka mohuar botimin e gazetës "Agora", në të cilin insistohet se ministri gjerman i Financave i tha se Gjermania mund të lehtësojë Greqinë për të lënë euron, duke lënë ndërkohë të kuptohet se homologu gjerman Wolfgang Schäuble ka nxjerrë në mënyrë selektive pjesë të bisedimeve mes tyre.
---Reagim të fortë të ministrisë së Riorganizimit Produktiv ka shkaktuar rritja e tarifës për burimet e ripërtëritshme të energjisë në tarifat e energjisë elektrike.
«Është e nevojshme për balancimin e Llogarisë së Veçantë APE dhe SHΘΥA», përgjigjet Autoriteti. «SYRIZA të ndalojë talljen me popullin», thotë Demokracia e Re.
---Të dielën janë anulluar të gjitha shfaqjet e Teatrit Kombëtar të Greqisë Veriore për shkak të grevës disa orë që ka shpallur Shoqata e Punonjësve, duke pretenduar pagesën e ditëve të punuara.
---Ka ndërruar jetë në moshën 94 vjeç, luftëtari i ELAS, Foívos Tsékeris. Varrimi i tij civil do të bëhet të martën 17 mars në Varrezat e Kaisarianís.
---Ka ndërruar jetë gjithashtu, në moshën 70 vjet, profesorja e Departamentit të Gazetarisë dhe Mass Mediave të Universitetit Aristoteli të Selanikut, Danaí Hatzóglou. Ajo ishte një anëtare aktive e lëvizjes së grave dhe luftoi për çështjet që lidhen me barazinë e gruas.
Shqipëria
---Artistë, politikanë, shkrimtarë, përkthyes si dhe miq e të afërm zhvilluan sot homazhe në nderim të përkthyesit dhe studiuesit, Petro Zhejit, i cili u nda nga jeta në moshën 85 vjeçare.
Në ceremoninë e lamtumirës që u zhvilluan në ambientet e Muzeut Historik Kombëtar, ishin të pranishëm Kryeministri Edi Rama, Kreu i Kuvendit, Ilir Meta si dhe kreu i Bashkisë së Tiranës, Lulzim Basha.
Kreu i Kuvendit, Ilir Meta pasi vendosi buqetën me lule pranë trupit të pa jetë të përkthyesit Zheji, në një prononcim për mediat u shpreh se, “kjo është dita e dhënies së lamtumirës një mendimtari dhe kijuesi të niveleve europiane që në atë kohë kur Shqipëria ishte një ishull i izoluar në mes të Europës”.
Ai është një ndër figurat më të shquara të gjuhësisë shqiptare duke qenë një përkthyes, studiues dhe gjuhëtar mjaft i njohur.
Poliglot që e njihte me themel shqipen dhe filozofinë e saj, njihte e zotëronte deri në rrënjë edhe gjuhën italiane, frënge, angleze, spanjolle, gjermane, ruse, hebraishten, sanskritishten e vjetër, greqishtën e vjetër dhe latinishten.
Ringjalla e Tolstoit, Obllomovin i Goncarovit, (nga rusishtja), Vitet e zemërimt të Shtajnbekut, (nga anglishtja), Zoti President dhe Papën jeshil të Asturiasit (nga spanjishtja), janë disa nga veprat e përkthyera prej filozofit dhe eruditit Petro Zheji, por pa harruar vëllimin e dytë të “Don Kishotit”, nga spanjishtja. Një vit më parë në Panairin e Librit, Petro Zheji, u vlerësuar me çmimin e mirënjohjes, çmim që u tërhoq nga djali i tij, publiçisti Artur Zheji.
Petro Zheji realizoi pas një pune të thellë dhe të pandërprerë studimin e tij me dy vëllime “Shqipja dhe Sanskritishtja”.
I lindur në Gjirokastër më 16 tetor 1929, Petro Zheji ka qenë arsimtar, përkthyes i sprovuar dhe gjuhëtar me erudicion. Vëllai i tij, Gjergj Zheji ka qenë një personalitet me peshën e vet në fushën e letrave./a.g/
---Kryeministri Edi Rama ka shprehur sot trishtimin e tij të thellë për humbjen e Petro Zhejit, të cilin e ka cilësuar si usta i pashoq i gjuhës.
Me anë të një postimi në rrjetin social “Facebok”, Kryeministri Rama shkruan, “Trishtim i thellë për humbjen e Petro Zhejit ustai i pashoq i gjuhës që e bëri Don Kishotin të fliste në shqip si të ishte lindur anëve tona”./a.g/
---7 vjet nga tragjedia e rëndë e Gërdecit, ku humbën jetën 26 persona, Ministri i Brendshëm, Saimir Tahiri deklaron se 15 marsi është një ndër ditët më të zeza e të turpshme për drejtësinë shqiptare”.
Në një postim në rrjetin social “Facebook”, Tahiri shkruan: “një biznes i lidhur me majën e pushtetit dhe zemrën e familjes së ish-kryeministrit shkaktoi vdekjen e shumë fëmijëve, grave dhe burrave, nga babëzia për fitim”.
Më pas, Tahiri ka përmendur personat që sipas tij, duhet të mbanin përgjegjësi, pasi deri më sot janë dhënë më pak vite dënim sesa viktima të shkaktuara.
---Nëse reformat strukturore të qeverisë shqiptare do zbatohen më shumë për të trajtuar çështje të vjetra të konkurrencës dhe korrupsionit, atëherë ekonomia shqiptare rrezikon të mbetet në një trajektore të ulët të rritjes gjatë viteve të ardhshme.
Ky parashikim vjen nga Business Monitor International, një institucion i pavarur hulumtues me seli në Londër, i cili ka publikuar një raport lidhur me rrezikun për Shqipërinë.
I specializuar për analiza të të dhënave dhe parashikime mbi rrezikun politik dhe ekonomik të mbi 195 vendeve të botës, Business Monitor International thotë se borxhi publik pritet të mbetet i lartë në Shqipëri mbi 70% të PBB – së, ndërsa pozicioni fiskal i qeverisë në drejtim të mbledhjes së taksave do të mbetet në nivel të rrezikshëm. Nxitësi kryesor për rritjen reale të PBB gjatë këtij viti në Shqipëri do të varet nga konsumi i brendshem, thuhet në raport. Ndërsa rritja ekonomike në vend do të varet edhe nga ecuria ekonomike e dy vendeve, si Italia dhe Greqia.
Sipas raportit ecuria e eksporteve gjatë vitit 2015 shihet e dobët, duke pasur parasysh kërkesën e vakët të jashtme nga partnerët kryesorë në eurozonë dhe joefikasitetit në industritë kyçe të eksportit në Shqipëri.
Përsa i përket inflacionit thuhet se parashikimet janë që të jetë i ulët, në 1.75% në fund të këtij viti. Lidhur me kredidhëniën, parashikohet se bankat do të vazhdojnë të jenë dorështrënguara në këtë drejtim.
Sipas Business Monitor International, dinamika e paqëndrueshme e borxhit publik, lufta politike dhe tensionet e ngritura me Serbinë, mund të kenë ndikim negativ në hapjen e negociatave me Bashkimin Europian.
Bota
---Një atentat i dyfishtë i marrë përsipër nga talebanët pakistanezë ka shkaktuar të paktën 14 të vdekur dhe 70 të plagosur gjatë meshës të së dielës në një lagje të krishterë në Lahore, duke shkaktuar një reagim të dhunshëm të këtij minoriteti shpesh viktimë e diskriminimit.
Sulmi i ndodhur në qytetin e dytë të Pakistanit është më i përgjakshmi i kryer në vend kundër të krishterëv që prej atentatit të dyfishtë kamikaz të talebanëve kundër një kishe në Peshauar, në shtator të vitit 2013.
Ky sulm, më i përgjakshmi në historinë e Pakistanit kundër këtij minoriteti që përfaqëson rreth dy për qind të popullsisë, shkaktoi në atë kohë 82 të vdekur dhe dhjetëra të plagosur./ec/
---Të paktën 49 persona kanë humbur jetën dhe dhjetëra të tjerë janë plagosur, pasi autobusi me të cilin udhëtonin ka dalë nga rruga, njoftuan burime të policisë.
Autobusi, që i përkiste një kompanie turistike, transportonte 50 persona sipas listës zyrtare, por bilanci paraprak i forcave të shpëtimit tregon se pasagjerët ishin më të shumtë. Sipas policisë, drejtuesi ka humbur kontrollin e automjetit në një kthesë në zbritje duke rënë në një humnerë prej 400 metrash. Nuk ka informacione për praninë e të huajve mes pasagjerëve të autobusit.
Pasagjerët ishin duke udhëtuar për të marrë pjesë në një shfaqje fetare.
Aksidenti ndodhi në një rajon malor, jo shumë larg qyteti Campo Alegre, rreth 170 kilometra nga Florianopolis, kryeqyteti i Shtetit./ec/
---Cikloni i fuqishëm që goditi arkipelagun Vanuatu ka dëmtuar rreth 90 për qind të banesave në kryeqytetin Port Vila, deklaroi sot OJQ-ja humanitare Oxfam.
“Kjo do të jetë me shumë gjasa një prej katastrofave më të rënda të ndodhura ndonjëherë në Paqësor. ”Nevojat humanitare do të jenë shumë të mëdha”, deklaroi drejtori i Oxfam për Vanuatunë, Colin Collet van Rooyen.
Vanuatu dekretoi gjendjen e jashtëzakonshme pas kalimit të ciklonit shkatërrues ”Pam” në këtë arkipelag, ku ndihmat kanë filluar të mbërrijnë pas një prej katastrofave më të rënda meteorologjike të ndodhura ndonjëherë në rajon.
Zyra Kombëtare e Katastrofave konfirmoi se gjashtë persona kishin humbur jetën nga cikloni, ndërkohë që OKB-ja ka njoftuar për 44 të vdekur në këtë arkipelag me 88 ishuj, një prej vendeve më të varfra në botë./ec/
---Konflikti që ka përfshirë Sirinë hyn në të pestin vit dhe ka shkaktuar vdekjen e më shumë se 210.000 personave dhe largimin e gjysmës së banorëve nga shtëpitë e tyre, pa asnjë shpresë për paqe.
---TEL AVIV – Dita e fundit e fushatë zgjedhore për zgjedhjet legjislative që do të zhvillohen të martën.
---BAGDAD – Forcat irakiane po përgatiten të nisin sulmet kundër xhihadistëve të fundit të grupit të Shtetit Islamik në Tikrit, një qytet i rëndësishëm mes Bagdadit dhe Mosulit.
Moti
---Shërbimi Kombëtar Meteorologjik parashikon për të hënën 16 Mars vransira në pjesën më të madhe të vendit dhe ka mundësi shira të dobëta lokale në rajonet kontinentale, ndërsa në mëngjes dukshmëria do të jetë e kufizuar.
Në Attikë, temperatura maksimale do të jetë 15 gradë Celsius, ndërsa në Selanik, temperatura maksimale do të jetë 12 gradë Celsius.
Është buletini i lajmeve në gjuhën shqipe, që transmetohet nga Rrjeti i ERA në internet në adresën www.ertopen.com, në valët FM dhe të Mesme - nëpërmjet stacioneve rajonale të ERA në të gjithë Greqinë, në valët e shkurtra në të gjithë botën, por dhe në valët FM 106,7 në Athinë.
Gjithashtu, programi ynë transmetohet 24 orë nga stacioni i radios së shoqatës së Punonjësve të Aluminit në valët FM 97,3 me seli Voiotían, dhe nga radio e punonjësve të Halkídës në valët FM 96,5 nga ora 13:00 pas mesditës e deri në orën 19:00 në mbrëmje.
Në Attikë mund të shikoni ERT-3 me sinjal digjital në kanalet televizive 34 dhe 58, ndërsa në Maqedoninë Qendrore në kanalin 50.