×

Προειδοποίηση

JUser: :_load: Αδυναμία φόρτωσης χρήστη με Α/Α (ID): 55
JUser: :_load: Αδυναμία φόρτωσης χρήστη με Α/Α (ID): 84
Κόσμος

Σερβία: Διαμαρτυρία στην Πρεσβεία της Αλβανίας για τα γεγονότα στον ποδοσφαιρικό αγώνα

Πέμπτη, 16/10/2014 - 15:42

Διάβημα διαμαρτυρίας για όσα συνέβησαν στον προχθεσινό ποδοσφαιρικό αγώνα μεταξύ Σερβίας και Αλβανίας για τα προκριματικά του EURO 2016, στο Βελιγράδι, επέδωσε το υπουργείο Εξωτερικών της Σερβίας στον πρέσβη της Αλβανίας στη σερβική πρωτεύουσα.

Διαβάστε περισσότερα...
Κόσμος

Στην Αλβανία την Κυριακή ο Πάπας κάτω από ύψιστα μέτρα ασφαλείας

Σάββατο, 20/09/2014 - 19:24
Δρακόντεια μέτρα ασφαλείας έχουν λάβει οι αλβανικές αρχές για την επίσκεψη του Πάπα Φραγκίσκου την Κυριακή στα Τίρανα. Συνολικά 2.500 αστυνομικοί θα βρίσκονται σε επιφυλακή επί 11 ώρες, όσο θα διαρκέσει η επίσκεψη του ποντίφικα στα Τίρανα.
Διαβάστε περισσότερα...
Κόσμος

Οικογενειακή τραγωδία στην Αλβανία

Παρασκευή, 25/07/2014 - 13:20
Οικογενειακή τραγωδία εκτιλύχθηκε το βράδυ της Πέμπτης σε χωριό της Αλβανίας κοντά στην Κορυτσά, όταν ένας 50χρονος σκότωσε τη 40χρονη σύζυγό τους και το ενός έτους παιδί τους και μετά αυτοκτόνησε.

Ο δράστης, που επέστρεψε πριν από τρις μέρες από την Ελλάδα όπου είχε μεταναστεύσει, είχε αμφιβολίες για την πατρότητα του παιδιού και μετά από έντονους καυγάδες πυροβόλησε τη σύζυγό του την ώρα που κοιμόταν.
Μετά σκότωσε το μωρό και στη συνέχεια αυτοκτόνησε.
Πηγή: ΑΜΠΕ
Διαβάστε περισσότερα...
Κοινωνία

Μάνα, άλλαξε κανάλι, ο «Έλληνας» χάλασε

Δευτέρα, 16/06/2014 - 15:38
Ένα άρθρο του Niko Ago: "Οι Έλληνες της Διασποράς «χόρταιναν» πατρίδα μέσω του καναλιού αυτού. Και δεν είναι λαϊκισμός να λέμε ότι τους τιμώρησε η ΝΔ, για κάτι που μόνο εκείνη ξέρει". Ακολουθεί το πλήρες κείμενο:
Διαβάστε περισσότερα...
Shqip

Οι ειδήσεις στα Αλβανικά

Κυριακή, 08/06/2014 - 21:28
U zhvillua sot në Halkidiki marshimi kundër minierës së arit

Marshim proteste në malin Kakkavos kanë zhvilluar komisionet e Halkidikisë dhe Selanikut kundër minierës së arit në Skuries për shkatërrimin e zonës nga kompania e minierave, por dhe për përndjekjen e anëtarëve të lëvizjes. Ndërkohë, duhet vënë në dukje se në një urdhër me gojë të tij,
Kryeprokurori i Gjykatës së Apelit të Selanikut, z.Panagis Giannakis ka kërkuar pezullimin deri dhe të martën të të gjitha punimeve nga kompania në fjalë, në uzinën e pasurimit të arit në Skuries të Halkidikis, në mënyrë që të bëhet një autopsi nga inspektimi i minierave dhe të lëshohet një vendim për ligjshmërinë apo paligjshmërinë, pasi leje e ndërtimit të uzinës në Skuries nuk është lëshuar deri më sot.

Ballafaqim i ri mes qeverisë dhe SYRIZA

Një ballafaqim i ri mes qeverisë dhe SYRIZA ka filluar dule pasur si sfond riorganizimin e afërt të qeverisë, i cili do të bëhet i njohur në 24 orët e ardhshme. Karakteristikë kryesore e tij do të jetë ristrukturimi radikal i ekipit ekonomik pas trikut komunikues Samara-Venizelo me dëbimin e sekretarit të përgjithshëm të të ardhurave, Hari Theohari, i cili kishte fatin e ish-sekretarit të kabinetit qeveritar Taki Baltako dhe siç duket nuk sinjalizoi heqjen e karakterit ekstremist të krahut të djathtë të politikës së zbatuar. Partia më e madhe opozitare sulmon qeverinë duke thënë se përdor reformimin e qeverisë si «si pretekst për të treguar se ka marrë mesazhin e zgjedhjeve të fundit». «Zëvendësimi i personave me po aq dëshirë implementimi të mjeteve për ushtrimin e të njëjtës politikë të memorandumeve, tregon kufirin e ndryshimeve që mund të bëj një qeveri, e cila ka si busull të vetëm programatike memorandumet", theksohet në njoftimin e saj.

Përgjigje në deklaratën e SYRIZA ka dhënë zëdhënësi qeveritar

«Ne e kuptojmë ankthin e SYRIZA-s për të mbajtur ekuilibrin brenda partisë dhe për të mbështetur në mënyrë artificiale klimën e ankesave të përditshme. Tani kritikon dhe reformimin e qeverisë para se ai të bëhet ...», vërejti Simos Kedikoglu dhe përfundoi duke thënë me ironi: «Në prag të festës së Shpirtit të Shenjtë ju urojmë një ndriçim të mirë shpirtëror»!

Failos Kranidiotis: «Jo më shumë PASOK në qeveri»

"Unë shpresoj se përgjigja në mesazhin që dërgoi populli në zgjedhjet e fundit është të mos ketë më shumë PASOK në qeveri", deklaroi duke folur në kanalin privat Mega, Failos Kranidiotis, duke komentuar mbi riorganizimin që pritet i qeverisë. Gjithashtu, foli me kuptim kundër Evangelos Venizelos, duke deklaruar se "gjëja e parë që më ka shqetësuar, ishte paralajmërimi i Reformimit të qeverisë" dhe se kjo është mosrespekt i kryetarit të PASOK-ut, pasi një gjë e tillë nuk është bërë kurrë më parë. Asnjë kryeministër nuk ka thënë: "do të bëj reformim të qeverisë".

KKE: "Reformimi i qeverisë nuk do të ndryshojë asgjë për popullin"

Pozicionin e tij se reformimi i qeverisë nuk sinjalizon një ndryshim të politikës në favor të popullit ka shprehur nga ana e tij dhe Dimitris utsubas.
Sekretari i Përgjithshëm i Partisë Komuniste tha se "bëhet gjithnjë e më e qartë se në rërën thithëse të skenës politike, ku të gjithë duket se flasin me të gjithë, as reformimi i qeverisë së tanishme, as urat që hedh forca kryesore opozitare në drejtim të PASOK-ut dhe të Majtës Demokratike sinjalizojnë një ndryshim të politikës në favor të popullit".

Grekët e Pavarur: «Demokracia e Re shndërrohet në një peng i shantazheve të PASOK-ut»

"Në zgjedhën e reformimit, Demokracia e Re bëhet peng i shantazheve numerike që i vë PASOK-u për "ministrat e tij shpëtimtarë", nënvizon përfaqësuesi i Grekëve të Pavarur, Terens Kuik në një deklaratë të tij në lidhje me riorganizimin e ardhshëm të kabinetit qeveritar dhe shton: "Njëra parti është degë e tjetrës dhe sa persona që të ndryshojnë në koalicionin e tyre, ata do të vazhdojnë politikat e njëjta, siç përcaktohen nga memorandumet".

Konflikte dhe mosmarrëveshje në Komitetin Qendror të DHMAR

Kundër dorëheqjes së Fotis Kuvelis është shprehur shumica dërrmuese e Komitetit Qendror e së Majtës Demokratike në ditën e dytë të mbledhjes së tij, gjatë të cilës janë dukur në mënyrë të qartë mosmarrëveshjet për vijën që duhet të ndiqet nga partia, pas rezultatit negativ të zgjedhjeve evropiane.

Shpenzojnë miliona euro në NERIT

Dy milion e gjysmë euro kanë shpenzuar përgjegjësit e emëruar nga qeveria në radio-televizionin e ri NERIT, duke dhënë vepra të ndryshme direkt në kompanitë private, ndërkohë që ende nuk kanë paguar dëmshpërblimet e punonjësve që brenda një nate mbetën pa punë dhe as kanë punësuar gazetarët që kanë fituar në konkursin e shpallur për këtë organizëm të ri. Për të gjitha këto është njoftuar dhe merret prokurori.

Të mërkurën, 11 qershor miting jashtë ERT-it

Të mërkurën, 11 qershor, organizojnë një miting jashtë ERT-it në Agia Parashkevi, për të demonstruar kundërshtimin tonë në mbylljen fashiste të Radio-Televizionit Publik një vit më parë nga qeveria, duke lënë në rrugë brenda një nate 2.600 punonjës. Gjithashtu për të denoncuar shpërdorimin e pasurisë publike që bëhet në të ashtuquajturin NERIT, një kanal qeveritar që denoncohet edhe nga vetë miqtë e qeverisë, të cilët largohen për t'u zëvendësuar me të tjerë.

Dy të vdekur nga përleshjet mes kurdëve dhe forcave të sigurisë në Turqinë juglindore

Dy persona u vranë natën e së shtunës në krahinën Dijarbakir në Turqinë juglindore gjatë përleshjeve mes protestuesve kurdë dhe forcave të sigurimit, siç u bë e njohur nga autoritetet lokale. Disa qindra demonstrues që protestonin kundër ndërtimit të postave të reja ushtarake në rajon, hodhën bomba molotov në forcat e sigurisë dhe pastaj hapën zjarr mbi ta. Burrat e forcave të sigurisë janë përgjigjur dhe si rezultat humbën jetën dy protestues dhe u plagos një ushtar.

Matteo Renzi: «Nuk do të mbështetim presidentin e ri të BE-së në qoftë se nuk ndryshon politikë»

Italia do të refuzojë për të mbështetur një president të Komisionit Evropian, i cili nuk do të ndryshojë politikën, paralajmëroi kryeministri italian Matteo Renzi, duke ndërhyrë në debatin e ndezur rreth personit i cili do të zëvendësojë Jose Manuel Barroso.

Në Spanjë kërkojnë heqjen e monarkisë

Pjesa më e madhe e qytetarëve spanjollë mbështesin referendumin për të ardhmen e monarkisë së tyre, sipas sondazhit të publikuar nga e përditshmja ”El Pais”, një javë pas abdikimit të fronit nga mbreti Juan Carlos. ”Të paktën 62 për qind e personave të pyetur mendojnë se duhet të zhvillohet një referendum, në një moment ose në një tjetër, për të vndosur nëse Spanja duhet të mbetet monarki apo të bëhet republikë”, sipas përfundimeve të sondazhit të zhvilluar nga instituti ”Metroscopia” për llogari të gazetës. Më 2 qershor dhjetëra mijëra kundërshtarë të monarkisë manifestuan në të gjithë Spanjën, duke kërkuar një referendum si edhe themelimin e republikës së tretë. Princi Felipe, 46 vjeç, duhet të marrë kurorën, ndoshta më 19 qershor

Në grevë punonjësit e Metrosë në São Paulo

Punonjësit në Metronë e São Paulo në Brazil vazhdojnë për të tretën ditë grevën e tyre dhe kërcënojnë se nqs kërkesat e tyre nuk plotësohen, do të vazhdojnë protestat e tyre edhe gjatë ndeshjeve të Kupës së Botës, e cila fillon të enjten në qytetin më të madh të Brazilit.


Ofrojnë 5 milion dollarë të afërmit e udhëtarëve të Boeing 777 të Malaysia Airlines

Të afërmit e pasagjerëve të Boeing 777 të linjës Malaysia Airlines duan të ofrojnë një shumë prej 5 milion dollarë si shpërblim për këdo që ka informacion në lidhje me zhdukjen e avionit, pasi gjurmët e tij kanë humbur që nga data 8 mars 2014.

Moti

Shërbimi Kombëtar Meteorologjik parashikon mot të paqëndrueshëm me shira apo stuhi sporadike në rajonet kontinentale dhe në Kretë. Era do
të fryjë mesatare në drejtimin verior me intensitet deri në 6 ballë në Egje, ndërsa temperatura minimale dhe maksimale në Athinë do të jenë 17ºC dhe 29ºC, ndërsa në Selanik 18ºC dhe 29ºC.
Διαβάστε περισσότερα...
Shqip

Οι ειδήσεις στα Αλβανικά

Παρασκευή, 06/06/2014 - 16:35
Ndryshimet në tatimet nga viti 2015

Një tjetër peshë në qafën e atyre që ende punojnë. Që nga viti i ri 2015, vijnë ndryshime radikale në tatim, sepse punëdhënësit ose fondet e sigurimeve sociale do të mbajnë çdo muaj nga paga apo pensioni 1/12 e taksave vjetore për të ardhurat totale të rrogëtarëve dhe pensionistëve. Me këtë masë, shpresojnë për të trajtuar rritjen e madhe të borxheve të prapambetura, të atyre që nuk janë në gjendje të paguajnë.

Skenarë të riformimit të qeverisë të hënën

Edicionet e lajmeve të kanaleve private televizive thonë se të hënën e Shpirtit të Shenjtë do të njoftohet reformimi i qeverisë.

Shumë emigrantë u mblodhën jashtë gjykatës së Patras

Dhjetra emigrantëve janë mbledhur jashtë gjykatës së Patras, ku sot ka filluar gjyqi për të shtënat kundër dhjetra emigrantëve, në prill të vitit të kaluar në Nea Manolada. Për këtë çështje janë akuzuar katër persona për të shtënat, nga të cilat ishin plagosur 28 punëtorë të huaj që punonin në kultivimin e luleshtrydheve.

Për "drejtimin e një organizate kriminale" akuzohet një deputet i partisë fashiste, Agimi i Artë.

Për kategorinë e anëtarësimit dhe drejtimit të një organizate kriminale hetohet para trupit hetues, deputeti i Agimit të Artë, Dimitris Kukutsis.

Ndalohet shqyrtimi i të gjitha skandaleve me mbylljen e papritur të Parlamentit

Ndalohen dhe dërgohen në të ardhmen e padukshme të gjitha skandalet e pazgjidhura, që do të diskutoheshin në seancën plenare të Parlamentit, pas mbylljes së papritur të Parlamentit. Me përfundimin e Parlamentit të sotëm dhe hapjen e seksioneve verore nga data 16 qershor, ka mundësi të ndalohen dhe të mos diskutohen skandalet, të tilla si hyrja e Greqisë në Fondin Monetar Ndërkombëtar, prerja e depozitave, Lista Lagarde, programet e armatimit dhe raste të tjera të rënda të korrupsionit.
 


Të mërkurën, 11 qershor miting jashtë ERT-it

Të mërkurën, 11 qershor, organizojnë një miting jashtë ERT-it në Agia Parashkevi, për të demonstruar kundërshtimin tonë në mbylljen fashiste të Radio-Televizionit Publik një vit më parë nga qeveria, duke lënë në rrugë brenda një nate 2.600 punonjës.
Gjithashtu për të denoncuar shpërdorimin e pasurisë publike që bëhet në të ashtuquajturin NERIT, një kanal qeveritar që denoncohet edhe nga vetë miqtë e qeverisë, të cilët largohen për t'u zëvendësuar me të tjerë.


Revokojnë vendimet e tyre Bashkitë e zonës së Selanikut

Në anulimin e vendimeve, me të cilat kanë dhuruar objekte dhe rrjete në Ndërmarrjen e Ujësjellësit të Selanik-ut orientohen  ëmbëdhjetë Bashki të qytetit, që furnizohen me ujë nga EYATh, në prag të shitjes së saj tek individët.


Vjedhje me aromë terrorizmi

Grabitje me armë ka ndodhur dje në filjalen e Bankës Piraios, në Sikurio të Larisas - vjedhje me aromë terrorizmi. Shqyrtohen të gjitha
opsionet nga Shërbimi Kundërterrorizimit.


Vazhdohen shpërthimet në Kabul

Në Kabul, një shpërthim i dyfishtë me bombë është shënuar mbi konvojin e presidentit kandidat të Afganistanit, Abdullah Abdullah. Ai vëtë shpëtoi pa u plagosur, por ka disa të plagosur. Raundi i dytë i zgjedhjeve presidenciale zhvillohet javën e ardhshme dhe konsiderohet e sigurtë zgjedhja e z.Abdullah.


Shpëtuan emigrantë nga Marina Luftarake Italiane

Pothuajse, 2.500 emigrantë që ishin në bordin e 17 anijeve, kanë shpëtuar 24 orët e fundit nga Marina Luftarake Italiane dhe anije të
tjera. Shumica janë refugjatë nga Siria, Etiopia, Libia dhe vendet e Sub-Saharan Africa.


Moti

Shërbimi Kombëtar Meteorologjik parashikon mot të mirë në rajonet më të shumta të vendit, por dhe vransira të pakta me shira dhe stuhi sporadike në rajonet e tjera. Temperatura maksimale në Athinë dhe Selanik do të jetë 29ºC.
Διαβάστε περισσότερα...
Shqip

Οι ειδήσεις στα Αλβανικά

Τετάρτη, 04/06/2014 - 16:47
Qeveria vazhdon të anashkalojë vendimet e gjykatave
Vazhdon qeveria me anashkalimin e paligjshëm dhe antikushtetues të vendimeve të gjykatave. Pas refuzimit për ripunësimin e pastrueseve të Ministrisë së Financave, Komiteti ndërministror për Investimet Strategjike përshkroi pronën arbitrare të qendrës tregtare Mall «investim-fast track», edhe pse Këshilli i Shtetit e kishte gjykuar të
paligjshme. Në thelb, Komiteti ka përfshirë pronën më arbitrare të Evropës, prej 75.000 metra katrorë në ligjin që rregullon investimet e ardhshme.
Pas vendimit të djeshëm të Komitetit Ndërministror për Investimet, kompania që zotëron këtë Qendër Tregtare, Latsis, tani mund të mos paguajë asnjë euro gjobë për pronën arbitrare, por përfshihet në investimet fast track.

Pastrueset të ballafaquara me dhunën policore

Pastrueset e ministrisë së Financave janë ballafaquar edhe një herë tjetër dje me dhunën policore jashtë Ministrisë, në ditën e 28-të të protestës së tyre. Sot, pastrueset ishin jashtë KEPYO-së në Kalithea, duke kërkuar zbatimin e vendimit të gjykatës që i ligjëson dhe përcakton ripunësimin e tyre. Një prej tyre është dërguar me ambulancë
në spital.


Mitingje dhe demonstrata një dukuri e përditshme në Athinën «e tepricës primare»
Një tubim në stacionin e Metrosë në Keramiko, jashtë qendrës telefonike Online Sales bën Shoqata e Punonjësve të kompanisë së Librit, në mbështetje të dy punonjësve që kjo kompani i ka shkurtuar nga puna.

Gjithashtu, nesër në sheshin Klafthmonos, POSPERT fton të gjithë
qytetarët të marrin pjesë në një tubim dhe marshim në ministrinë e
Financave, kundër shkurtimeve, disponueshmërisë dhe shitjes së
pasurisë publike nga qeveria.

Qeveria shet plazhet

Qeveria me procedura të menjëherëshme "shet", duke i transferuar në Fondin për Vlerësimin e Pronës Publike, tre pasuri të patundshme në bregdetin e Attikës, Qendrën për Ski të Parnassos, hotelet Ksenia, limanin e Zeas dhe sipërfaqje toke në të gjithë Greqinë. 
Duhet të shënojmë se në deklaratat programatike të tij, kryeministri

Antonis Samaras foli për shfrytëzimin e organizuar të bregdetit të Atikës nga Faliro e deri në Sunio, deklaratat që duket se janë të rreme pas anulimit të tyre nga nga ana e Komitetit të Ministrave mbi privatizimin.

Të pafajshëm të akuzuarit për çështjen e kontrabandës së karburantit

Është liruar dje me shumicë nga Gjykata pesë anëtarëshe e Apelit të Krimeve të Pireut, kapiteni i anijes Egje Oil, i cili akuzohej së bashku me vëllain e biznesit të njohur, Dimitri Melissanidis, Jakovo, për një çështje shumë të rëndë që kishte lidhje me kontrabandën e rreth 6.000.000 litra naftë. Duhet shënuar se nga mos-pagesa e detyrimeve dhe taksave, shteti grek është dëmtuar rreth 2.220.000 euro.

Mblidhet sot Grupi Parlamentar i Grekëve të Pavarur

Mblidhet sot Grupi Parlamentar i Grekëve të Pavarur pas largimit dje nga ky grup, i deputetes Mika Iatridi. Për këtë çështje do të flasin si kryetari, Panos Kamenos edhe deputetët e tjerë.

Ballafaqim mes SYRIZA dhe Qeverisë për frekuencat digjitale

Në Parlament ka pasur një debat të fuqishëm mes qeverisë dhe SYRIZA për dhënien e sinjalit dixhital në kompaninë DIGEA (konsorciumi i kanaleve kryesore private MEGA, ANT1, STAR, SKAI, ALPHA, Maqedonia). Transmetimi dixhital është dhënë deri në 15 vjet për një shumë të vogël -për frekuencat- prej 18 milionë eurosh. Deputetja e SYRIZA, Zoi Konstantopulu e karakterizoi shitjen si turp dhe konkursin si "fotografi", në të cilin ka marrë pjesë vetëm një i interesuar. Siç tha ajo, sipas studimit Mason, të cilin e ka porositur dhe paguar sektori publik, çmimi fillestar në tender duhej të ishte të paktën 715 milion euro.


Lëvizje panevropiane nga POSPERT - UNI/ΜΕΙ për përvjetorin e mbylljes së ERT-it

Lëvizje panevropiane para ambasadave greke në bashkëpunim me UNI /MEI dhe organizata të tjera, planifikohet për në datën 11 qershor, kur do të mbushet një vit nga mbyllja fashiste e Radio-Televizionit Publik e Greqisë (ERT).

Arrestime të dhunshme në Sheshin Tiananmen në Pekin

Kina ka arrestuar aktivistë dhe persona të tjerë në përpjekje për të evituar ceremoninë përkujtimore në përvjetorin e trazirave në Sheshin Tiananmen. Dhjetra aktivistë dhe disidentë kinezë janë vendosur në arrest shtëpie ose janë detyruar të lënë Pekinin për 23-vjetorin e masakrës në Sheshin Tiananmen, më 4 qershor 1989, ku qindra studentë dhe qytetarë u vranë nga ushtria që ndërhyri për të shtypur lëvizjen pro-demokraci.
Sipas 'Morning Post' të Hong Kongut, autoritetet lokale i kanë quajtur masat e marra si ato në kohë lufte. Edhe qasja në faqet e mediave sociale ka qenë gjithashtu e kufizuar në përpjekje për të parandaluar rganizimin e tubimeve e referencat ndaj ngjarjeve të vitit 1989. Në një prononcim për shtyp, Ministria e Jashtme shprehu 'pakënaqësinë e fortë' përsa i përket presionit për të liruar të burgosurit e trazirave të Tiananmenit. Grupet për të drejtat e njeriut thonë se 10 persona vazhdojnë të mbeten në burg që nga protestat e vitit 1989.
Pekini konsideron se incidenti në Sheshin Tiananmen ishte 'rebelim kundër-revolucionar'. Ndërsa media shtetërore nuk përmendi drejtpërdrejt përvjetorin, gazeta e forcave të ushtrisë paralajmëroi forcat e armatosura të jenë vigjilente për përpjekjet që të përhapen trazirat përpara kongresit të partisë që do të mundësojë kalimin e lidershipit.

NATO, SHBA dhe krerët evropiane në Varshavë

Presidenti Barack Obama njoftoi planin për një fond prej 1 miliardë dollarë amerikanë për shtimin e trupave amerikane në Europë. Ai e bëri këtë njoftim në Poloni, në etapën e parë të turit katërditor në Europë.
Presidenti Obama që do të takohet me liderët e NATO-s mes shqetësimeve për krizën ukrainase, theksoi se siguria e aleatëve europianë është e shenjtë për Amerikën. Në prill, 150 trupa amerikanë u dërguan në Poloni për strëvitje ushtarake pikërisht në kulmin e tensioneve me Moskën, e cila aneksoi gadishullin e Krimesë në muajin mars.
Ndërkohë, ministrat e Mbrojtjes së NATO-s do të diskutojnë në Bruksel pasojat afatgjata të krizës me Rusinë, në lidhje me krizën në Ukrainë. Duke folur në një konferencë të përbashkët shtypi në Varshavë me presidentin polak, Bronislaë Komoroëski, Obama paralajmëroi Rusinë kundër provokimit të tensioneve të mëtejshme në Ukrainë. Ai tha se Moska duhet të përdorë të gjithë ndikimin e saj për të ndalur separatistët në lindje të Ukrainës.
Obama rikonfirmoi angazhimin amerikan për parimin e NATO-s të mbrojtjes kolektive dhe njoftoi planin e një fondi 1 miliard dollarë, një program që do të kërkojë miratimin e Kongresit. Shtetet e Bashkuara do të rrisin edhe partneritetin me vende të tilla si Ukraina dhe Moldavia. Marrëdhëniet mes NATO-s dhe Moskës kanë rënë në nivel historik që pas aneksimit të gadishullit të Krimesë nga ana e Rusisë, në muajin mars. Të hënën, i dërguari rus në bllokun euroatlantik kërcënoi se Rusia do t'i japë fund traktatit të bashkëpunimit, në fuqi prej një kohe të gjatë me NATO-n. Agjencia e lajmeve AFP citoi një zyrtar të lartë të NATO-s të ketë thënë se ministrat e Mbrojtjes do të marrin vendime fondamentale në lidhje me Rusinë, përpara se planet të shkojnë në samitin e shtatorit, kur liderët e NATO-s do të mblidhen në Britaninë e Madhe.

Moti

Shërbimi Kombëtar Meteorologjik parashikon për sot vransira me shira lokale dhe ka mundësi stuhi në Greqinë e Veriut, Thesali dhe në rajonet lindore kontinentale. Vransira me shira lokale do të ketë Attika dhe temperatura do të arrijë deri në 27ºC. Vransira me shira lokale herët në mëngjes dhe përmirësim gradual do të ketë Selaniku, ndërsa temperatura do të arrijë në 23ºC.
Διαβάστε περισσότερα...
Shqip

Οι ειδήσεις στα Αλβανικά

Δευτέρα, 02/06/2014 - 19:47

Provimet mbarëkombëtare sot me mësimin e Matematikës dhe të Greqisë së Lashtë

Me mësimin e Matematikës dhe të Greqisë së Lashtë vazhduan edhe sot Provimet e Përgjithshme, me tema që konsiderohen në përgjithësi të pajtueshme.
 
PASOK: Jemi dakord që të zbatohet vendimi i gjykatës për pastrueset

Një deklaratë të PASOK-ut se është dakord që të zbatohet vendimi i gjykatës për pastrueset e ministrisë së Financave, arritën të marrin protestueset me bllokimin simbolik të selisë së partisë në rrugën Harilau Trikupi. Por, para se të marrin këtë deklaratë, ato janë pritur jo mirë nga një punonjës i partisë. Provokues qëndrimi i presidencës greke për produktet e modifikuara Mbetet provokues qëndrimi i presidencës greke në çështjen e produkteve të modifikuara. Me referimin e zv/kryeministrit Evangjelos Venizelos dhe të ministrit Jannis Maniatis në thelb lejohet kultivimi i farave të modifikuara në Bashkimin Evropian, duke dobësuar vendet anëtare, që mund të dëshirojnë rezistencën e tyre ndaj planeve të kompanive shumëkombësheve.

Për këtë faqe të zezë të

Presidencës Greke foli në edicionin e lajmeve të ERA, znj.Elena Danalis nga zyra greke e Greenpeace.

Pesë Sindikata të DEH kërkojnë të anulohet tenderi për shitjen e kompanisë 

Të anulohet tenderi për shitjen tek individët e 66% të infrastrukturës dhe të rrjeteve të transportimit të energjisë elektrike në të gjithë vendin, kërkojnë me një apelim në Këshillin e Shtetit pesë shoqata sindikaliste të Koorporatës Elektroenergjitike të Greqisë (DEH). Në apelimin e tyre thonë se shitja e rrjetit të DEH-së është antikushtetuese, e paligjshme dhe në kundërshtim me Konventën Evropiane për të Drejtat e Njeriut.

POSPERT: Lëvizje panevropiane para ambasadave greke në bashkëpunim me UNI/MEI për 11 qershorin
Lëvizje panevropiane para ambasadave greke në bashkëpunim me UNI / MEI dhe organizata të tjera, planifikohet për në datën 11 qershor, kur do të mbushet një vit nga mbyllja fashiste e Radio-Televizionit Publik e Greqisë (ERT). Të hënën, 2 qershor në orën 18:00 pasdite, POSPERT dhe Shoqata e Punonjësve të Administratës (EKPA) kanë bërë thirrje për një takim të të gjitha shoqatave dhe kolektivave të punonjësve dhe të papunëve në Qendrën e Punës së Athinës, me temë organizimin e tubimit më 10
qershor, ditën që do të gjykohet rasti i pastrueseve të ministrisë së Financave, dhe të veprimeve për datën 11 qershor, me rastin e përvjetorit të mbylljes së zezë të ERT-it.

Jep dorëheqjen Mbreti Juan Carlos

Mbreti i Spanjës, Juan Carlos konfirmoi në një mesazh televiziv se kishte vendosur të jepte dorëheqjen nga froni për t’ia kaluar djalit të tij, princit Filip, me qëllim për t’i dhënë një shtysë të re monarkisë, pas njoftimit të papritur nga qeveria.

Duke përmendur dëshirën për frymën e ndryshimit, kapërcimit dhe korrigjimit të gabimeve, monarku 76-vjeçar, deklaroi se djali i tij ka maturinë, përgatitjen dhe sensin e përgjegjësisë së nevojshme për të marrë me të gjitha garancitë kryesimin e Shtetit dhe të nisë një etapë të re shprese, ku do të bashkëveprojnë eksperienca e fituar me
impulsivitetin e një gjenerate të re.

Rusia do të propozojë në Këshillin e Sigurimit të OKB-së projektrezolutën për dhunën në Ukrainë

Rusia do t’i propozojë sot Këshillit të Sigurimit të OKB-së një projektrezolutë në kuadër të krijimit të korridoreve humanitare në lindje të Ukrainës, ku përplasjet e dhunshme vazhdojnë mes ushtrisë dhe separatistëve pro-rusë. “Kjo projektrezolutë do të kërkojë krijimin e menjëhershëm të korridoreve humanitare me qëllim që civilët të mund të largohen nga zonat luftarake”, theksoi ministri rus i Punëve të Jashtme, Sergey Lavrov.
“Ne dëshirojmë që Këshilli i Sigurimit të kërkojë që asnjë pengesë të mos ekzistojë as në largimin e civilëve nga zonat e luftës, as dërgimin në këto zona të ndihmës umanitare”, shtoi ai. Rezoluta ruse kërkon ndërprerjen e operacioneve të armatosura nga ushtria ukrainase në lindjen separatiste dhe një armëpushim me kryengritësit pro-rusë, si dhe fillimin e negociatave mes dy kampeve. Përleshjet e përgjakshme vazhdojnë që prej një jave në lindje dhe
veçanërisht në bastionin separatist të Donetskut.

MOTI

Shërbimi Kombëtar Meteorologjik parashikon për të martën 3 qershor vransira të shumta në pjesën më të madhe të vendit, shira lokale në rajonet kontinentale, të cilat kryesisht nga dreka do të rriten dhe do të ketë stuhi sporadike në rajonet qendrore dhe veriore. Në Greqinë Jugore do të vihet re kalimi i pluhurit nga Afrika. Temperatura do të variojë nga 14ºC-26ºC në Greqinë Veriore, 14ºC-24ºC  në Greqinë Qendrore, 16ºC-24ºC në Greqinë Jugore, 16ºC-28ºC në Greqinë Perëndimore dhe 18ºC-25ºC në ishujt e Egjeut dhe në Kretë, ku temperatura mesatare në plazhet veriore të ishullit do të arrijë deri në 30ºC. Era në Egje do të fryjë në drejtimin lindore me intensitet mesatar, ndërsa në Jon do të fryjë në drejtimin lindor me intensitet mesatar. Në Attikë presim të martën vransira me shira lokale dhe temperatura në qendër do të arrijë në 23ºC. Era do të fryjë në drejtimin verilindje pothuajse mesatare dhe nga dreka më e fuqishme. Vransira me shira lokale në mbrëmje presim të martën në Selanik dhe
temperatura do të arrijë në 26ºC. Era në Thermaiko do të fryjë mesatare në drejtimin jugor, ndërsa në mbrëmje do të kthehet në drejtimin veriperëndim dhe me të njëjtin intensitet.
Διαβάστε περισσότερα...
Shqip

Οι ειδήσεις στα Αλβανικά

Κυριακή, 01/06/2014 - 20:36
Vjen riorganizimi i qeverisë

Konsultimet dhe dëgjimi i emrave të ndryshëm vazhdojnë në kampin qeveritar, pas njoftimit paraprak të riorganizimit të qeverisë nga zv/kryeministri Evangelos Venizelos, i cili, megjithatë, nuk ka përcaktuar datën e tij. Njoftimet përfundimtare për ndryshimet në skemën e qeverisë flasin për fillimin e javës së ardhshme e deri në mes të qershorit.

Siç shkruan gazeta Ethnos, ekuacioni i vështirë i reformimit është posti i ministrit të Financave, i Guvernatorit të Bankës së Greqisë, por dhe personi që do të dërgohet në Komisionin Evropian.

Siç duket, Janis Sturnaras merr rrugën për Bankën e Greqisë dhe ndryshim në ministrinë e Financave ka të ngjarë të sjellë edhe riorganizimi në ministritë e Punës dhe Zhvillimit. Sipas gazetës To Vima e së dielës, kryeministri dëshiron që ministri i ri i Financave të simbolizojë fundin e memorandumeve, ndërsa Evangelos Venizelos do dikë, që do të sugjerojë një ndryshim radikal për shoqërinë dhe nevojat e saj.

Ndryshon sistemi i sigurimeve sociale

Rrënjësisht ndryshon peizazhi në sistemin e sigurimeve sociale të Greqisë, sepse fillon integrimi administrativ dhe financiar i 60 fondeve të ndryshëm që japin pensione kryesore, suplementare dhe përfitime sociale.
Ka filluar tashmë studimi nga KEPE, i cili pritet të përfundojë brenda dy muajve të ardhshëm, me qëllim që modeli i ri i sigurimeve sociale të ligjërojë deri në muajin nëntor të këtij viti. Reforma përfshin mes të tjerash ndryshime në mënyrën e llogaritjes së pensioneve suplementare dhe zbatimin e sistemeve të reja të informacionit.

Skandal me pensionet suplementare

Ndërkohë, një skandal i ri në frontin e sigurimeve sociale është shkaktuar nga 1200 pensionet suplementare «majmun», me pulla dhe certifikatave të rreme, nga ish fondi i punonjësve të tregtisë, që kishte një kosto prej 200 milionë euro.
Hetimet e prokurorisë vazhdojnë, pas veprimeve të Fondit të Vetëm të Pensioneve Suplementare dhe është identifikuar përfshirja e të paktën katër ish-punonjësve të TEAFEK-ut dhe janë praktikuar dhe përndjekja e tyre.

FMN këmbëngul për të dhënë në Greqi një kredi të re

Në një kredi të tretë që do të jetë e kombinuar me një program të ri të masave shtrënguese "shtyn" Greqinë, Fondi Monetar Ndërkombëtare, i cili ka miratuar lëvrimin e këstit prej 3,41 miliard euro.
Siç thotë në njoftimin e tij, është "e nevojshme politika shtesë fiskale, që të sigurohet përmes masave të përhershme dhe me cilësi të lartë, qëndrueshmëria e borxhit".
Fondi, gjithashtu bën thirrje për përmirësimin e mekanizmit të mbledhjes së taksave, të luftohet evazioni fiskal, të ulen edhe më tej shpenzimet shtetërore, si dhe të përshpejtohen reformat në administratën publike.

SYRIZA: Qeveria dhe Trojka përgatisin memorandume të tjera

"Qeveria dhe Trojka janë plotësisht dakord me vazhdimin e politikës së kursimit dhe varfërimin e punëtorëve. I ashtuquajturi "fundi i memorandumeve" ishin përralla gjatë fushatës zgjedhore, nga një kryeministër i dorëzuar në interesin e kreditorëve", komenton Zyra për Shtyp e SYRIZA, lidhur me njoftimin e FMN-së për dhënien e këstit.

KKE: Qeveria vazhdon masat antipopullore

Raporti i vlerësimit të FMN-së për Greqinë konfirmon se masat brutale antipopullore nga njëra anë dhe privilegjet për kapitalin nga ana tjetër do të vazhdojnë, pasi janë parakusht i zhvillimit kapitalist, thotë KKE në deklaratën e saj.

Evazion i madh fiskal për jashtë Greqisë

Një evazion fiskal prej 40 milionë euro vetëm nga 80 persona që dërgonin remitanca jashtë vendit është identifikuar pas kontrolleve të prokurorëve financiarë. Hulumtimi është kryer nga prokurorët Panagiotis Athanasiu dhe Galinios Bris me ndihmën e zëvendës Prokurorit Janni Dragatsi.
Tani, të gjithë do të duhet të paguajnë ato që nuk kanë deklaruar nga viti 2002 e në vazhdim, ndërkohë që në fondet publike pritet të hyjnë të paktën 65 milion euro me bonuset.

PASOK-u bën hapje për në parti të tjera si Potami dhe e Majta Demokratike

Kryetari i PASOK-ut, Evangjelos Venizelos përparon në hapjen drejt partive të tjera si Potami, në kuadrin e debatit për për ngritjen e polit më të gjerë të qendrës së majtë, duke përsëritur edhe ftesën për të Majtën Demokratike.

Baltakos i papenduar

I papenduar në një intervistë të tij Panagiotis Baltakos në rolin e analistit të zgjedhjeve, në gazetën "To Vima" e së dielës, i bën thirrje Demokracisë së Re që të bëj një kthesë në drejtim të ekstremistëve të djathtë, për të ndërprerë përparimin e së majtës në pushtet.
Ndër të tjera, ish-Sekretari i Përgjithshëm i Qeverisë karakterizoi një moment historik fitoren e SYRIZA në zgjedhjet evropiane, duke shënuar se për herë të parë e Majta dhe Qendra e Majtë mund të formojnë një qeveri të fuqishme me 174 vende.
Krahas z.Baltakos bëri supozimin se "nuk do të kenë sukses, ashtu siç nuk ka pasur sukses edhe EAM në vitin 1945", duke shprehur mendimin se do të kemi një "Marrëveshje të re të Varkizas".

Shoqata për të Drejtat e Grave: Ministria e Financave refuzon të pajtohet me vendimet e Gjykatës së Shkallës së Parë të Athinës

Shoqata për të Drejtat e Grave ankohet se Ministria e Financave, si punëdhënës, refuzon të pajtohet me vendimet e përkohëshme të detyrueshme të Gjykatës së Parë të Athinës, që njohin pavlefshmërinë e shkurtimit nga puna e pastrueseve. Kushtetuta kërkon qartë nga sektori publik që të zbatojë vendimet gjyqësore. Duke refuzuar për të ekzekutuar vendimet e Gjykatës së shkallës së parë, shkel një seri të të drejtave themelore të këtyre grave, të cilat janë të sanksionuara në Kushtetutën tonë, Konventën Evropiane për të Drejtat e Njeriut dhe konventat e tjera ndërkombëtare dhe nga ligjet e Bashkimit Evropian. Është e pabesueshme dhe e paparë, që shteti, i cili kërkon nga qytetarët të respektojnë gjyqësorin dhe të zbatojnë vendimet gjyqësore, të mos pranojë vendimet e Gjykatës dhe të shkel të drejtat themelore, duke injoruar çdo kuptim të shtetit të së drejtës dhe duke ekspozuar vendin tonë ndërkombëtarisht.

Rojet e shkollave dhe pastrueset në një përqendrim të përbashkët

Rojet e shkollave me pastrueset bëjnë thirrje për një mbledhje të dielën padite në ministrinë e Financave.

Policia greke ka shkatërruar një rrjet të trafikut të emigrantëve të paligjshëm

Policia Greke ka zbuluar një rrjet të trafikimit të emigrantëve nga Gjeorgjia, të cilët kishin hyrë në vend ilegalisht. Gjithsej, u arrestuan 22 persona në Atikë, Selanik dhe Evro dhe është zbuluar përfshirja e katër oficerëve të policisë, që shërbejnë në Evro.

Përfundojnë aktivitetet e Solidaritetit të kampingut të vetë-menaxhuar në Vula

Përfundojnë të dielën aktivitetet tre ditore të Solidaritetit, Kreativitetit dhe Qëndrueshmërisë në Kampingun e vetë-menaxhuar në Vula. Këto aktivitete u organizuan nga Festivali Alternativ i Solidaritetit dhe i Bashkëpunimit të Ekonomisë me pjesmarrjen e dhjetra grupeve.

POSPERT: Lëvizje panevropiane para ambasadave greke në bashkëpunim me UNI/MEI për 11 qershorin

Lëvizje panevropiane para ambasadave greke në bashkëpunim me UNI / MEI dhe organizata të tjera, planifikohet për në datën 11 qershor, kur do të mbushet një vit nga mbyllja fashiste e Radio-Televizionit Publik e Greqisë (ERT).
Të hënën, 2 qershor në orën 18:00 pasdite, POSPERT dhe Shoqata e Punonjësve të Administratës (EKPA) kanë bërë thirrje për një takim të të gjitha shoqatave dhe kolektivave të punonjësve dhe të papunëve në Qendrën e Punës së Athinës, me temë organizimin e tubimit më 10 qershor, ditën që do të gjykohet rasti i pastrueseve të ministrisë së Financave, dhe të veprimeve për datën 11 qershor, me rastin e përvjetorit të mbylljes së zezë të ERT-it.

Incidente në sheshin Taksim

Policia turke përdori gazin lotsjellës dhe ujin me presion për të shpërndarë demonstruesit në Kostandinupoli dhe Ankara, të cilët kanë dalë në rrugë pavarësisht urdhërit qeveritar që ndalon manifestimet, në njëvjetorin e nisjes së protestave të përgjakshme në sheshin Taksim.

Rreth 25 mijë policë rrethuan dhe bllokuan sheshin Taksim, epiqendrën e protestave të vitit të kaluar. Kryeministri turk, Recep Tayyip Erdogan më herët kishte apeluar të rinjtë të mos bashkohen në protesta.
Shprehja e zemërimit kundër planeve të rizhvillimit të parkut Gezi në Kostandinupoli u shndërrua në marshime masive kundër kryeministrit Erdogan vitin e kaluar dhe u ndoq nga një ndërhyrje e dhunshme e policisë. Gjatë trazirave u vranë disa persona, ndërsa mijëra të tjerë u plagosën.
Policë me uniformë, autobote uji dhe blinda ishin vendosur në shesh për të bllokuar hyrjen e protestuesve. Rreth 100 protestues u arrestuan.
Organizatorët e protestave të vjetshme të parkut Gezi kanë bërë thirrje për një protestë të re, por kryeministri Erdogan apeloi popullsinë, sidomos të rinjtë të mos bashkohen me marshimin. "Një vit më vonë, disa njerëz, përfshirë edhe të ashtuquajturit artistë, po bëjnë thirrje për demonstrata, por ju, të rinjtë e Turqisë, nuk do t'i përgjigjeni kësaj thirrjeje", theksoi ai.
Erdogan e përshkroi lëvizjen si një organizim terrorist që manipuloi moralisht dhe financiarisht të rinjtë e dobët, të sulmojnë unitetin dhe të kërcënojnë ekonominë e vendit.

Në rrugë forcat e shtypjes së Tajlandës për të parandaluar incidentet

Ushtrinë dhe policinë në rrugët e Bangkokut kanë vendosur forcat e armatosura të Tajlandës, për të parandaluar realizimin e protestës kundër grushtit të shtetit, që u zhvillua më 22 maj.

Vazhdohen luftimet në Ukrainën lindore

Në Ukrainë vazhdohen betejat në mes të forcave të sigurisë së Ukrainës dhe separatistëve pro-rusë në rajonet lindore të vendit.

6,3 miliardë euro ka në dispozicion Spanja për të mbështetur tregun e punës

Në Spanjë, një program që arrin në shumën 6,3 miliard euro për të mbështetur tregun e punës pritet të miratojë javën e ardhshme qeveria e vendit, siç ka lajmëruar kryeministri Mariano Rajoy.

David Cameron: «Jo» për Jean-Claude Juncker

Kryeministri britanik ka kërcënuar me një referendum për dalje të vendit nga Bashkimi Evropian, nëse Jean-Claude Juncker emërohet president i Komisionit Evropian, shkruan revista gjermane Der Spiegel.

MOTI

Shërbimi Kombëtar Meteorologjik parashikon mot të paqëndrueshëm, me shira lokale dhe stuhi, kryesisht në rajonet perëndimore, qendrore, veriore dhe në Egjeun verilindor. Erërat do të fryjnë në drejtimin perëndimor- veriperëndimor deri në 7 ballë në Egjeun jugor.
Nga 16ºC deri në 26ºC temperatura në Athinë dhe nga 16ºC deri në 24ºC në Selanik.
Διαβάστε περισσότερα...
Σελίδα 3 από 4